Cronica da la società da
Musica Uniun Tschierv
Avant 100 ons, dal 1911, ün temp zuond different dal nos, ün temp ingiua cha la tecnica nu d’eira amo uschè inavant sco hoz ans spordschond tuot las comoditats e bellezzas. I nu’s pudaiva la saira be drivir l’üsch stüva, dozar ün pa il bratsch e schmachar il pom per far glüm, neir na be far ir il radio e tadlar üna CD cun musica instrumentala o dafatta vezzer üna musica illa televisiun. Na quai nu daiva amo quella jada e ningün nu varà neir na s’insömgià da quai.
lingia davant da schnestra:
Peter Fluor, Chasper Salvett-Gross, Josef Greiner, Peter Nutt, Eduard Puorger
lingia davo da schnestra:
Paul Greiner, Niculò Bisaz, Jon Feuerstein, Christianas Hohenegger
Els nun han sunà lönch cullas citras ed han lura cumprà instrumaints da plech. Minchün ha dat fr. 100.- per finanziar quista cumprita, ün import considerabel, i’s po dir cha quella jada hana demonstrà l’UNIUN. Ils instrumaints d’eiran quia ma ingün nu tils savaiva sunar. Els han clomà in agüd a sar Franz Oswald da Müstair, chi’d es stat lur magister fundamental. Quel chi ha chapi il plü svelt d’eira Josef Greiner, l’iniziant da la musica e quel ha lura eir fat il dirigent. Bainbod sun els eir stats buns da sunar la marcha: “ Ein Hoch dem Landsturm”.
festa da musica chantunala:
Klosters 2024